Xosé González Martínez
Biografía | |
---|---|
Nacemento | 13 de xuño de 1950 ![]() Teis, España ![]() |
Datos persoais | |
País de nacionalidade | España ![]() |
Actividade | |
Lingua | Lingua galega ![]() |
Premios
| |
![]() |
Xosé González Martínez, nado en Teis (Vigo) o 13 de xuño de 1950, coñecido na clandestinidade como Pepiño de Teis, e logo como Pepiño de Redondela[1], é un administrativo e intelectual galego, promotor do uso da lingua galega na xustiza e na administración. En 2004 recibiu a Medalla Castelao.
Traxectoria
[editar | editar a fonte]Dende os 17 anos militou no nacionalismo galego, foi membro da dirección da UPG, onde era coñecido como Pepiño de Teis, e o seu máximo responsábel dende 1971 ata que foi expulsado o 7 de outubro de 1976.[2] Dende 1979 foi funcionario da administración local, primeiro en Redondela, onde estivo 20 anos no Servizo de Normalización Lingüística do concello, e despois na mancomunidade da Área intermunicipal de Vigo onde foi director do Servizo de Normalización Lingüística.
Foi director da Revista de Administración Galega, subdirector da revista Lingua e Dereito que edita a Universidade de Vigo. É presidente da Fundación dos Premios da Crítica Galicia, secretario da Asociación de Amigos de Couto Mixto, fundador da Asociación de Funcionarios para a Normalización Lingüística e da Asociación de Xuristas en galego. Foi un dos creadores do Premio Blanco Amor. É impulsor da Fundación Galicia Empresa e da Fundación Lois Peña Novo, e presidente do Foro Enrique Peinador. Colaborador en prensa (Faro de Vigo) e radio (Radio Galega) e da Enciclopedia Galega Universal. Foi o tradutor ao galego dos Códigos Penal e Civil e de moita outra literatura xurídica.
Premios
[editar | editar a fonte]- En 2002 foi recoñecido como Xuíz Honorario do Couto Mixto.
- En 2004 Medalla Castelao.
- En 2020 foi Premio da Cultura Galega.[3]
- En 2021 foi Premio Alecrín de Ouro, concedido anualmente pola Federación Galega de Entidades Culturais de Cataluña (Fegalcat).[4]
Notas
[editar | editar a fonte]- ↑ Vaamonde, Pablo (2017-03-27). "Xosé González, uno de los imprescindibles". Nuevatribuna (en castelán). Consultado o 2023-03-07.
- ↑ Torna, Cilia (24 de setembro de 2014). "A prehistoria da UPG (LP) e do PGP". nosdiario.gal. Consultado o 7 de novembro de 2020.
- ↑ "Danse a coñecer os nomes dos gañadores dos Premios Cultura Galega 2020 CRTVG". www.crtvg.es. Consultado o 2020-12-05.
- ↑ C.R (2021-08-11). "Los Premios Alecrín destacan la impronta del gallego en Cataluña". Faro de Vigo (en castelán). Consultado o 2021-08-12.